رواية الدهاشنه بقلم اية محمد
بعدم مبالاة
_يستاهل.
تدخل آيان بينهما فابعده عنه بصعوبة ثم قال
_خلاص يا آسر الواد كان بينتقم من اللي حصله.
ردد بانفعال
_ده لعب عيال مش اڼتقام ده.. عمره ما هيكبر عشان كده مينفعش لا لجواز ولا لغيره..
نهض عبد الرحمن ينفض الغبار عن ثيابه ويحاول جاهدا اخفاء ضحكاته فجذب آسر الهواتف من ايدهم ثم القاه بوجهه ليشير له بصرامة
حملهم عنه عبد الرحمن ثم قال پصدمة
_ودي هعملها ازاي دي..
اتاه رده اللازع يقتص منه
_زي الراجل العاقل كده لما يحل تفاهته
ثم أشار للشباب
_يلا.
غادر الجميع وتركوه بورطة كان هو السبب بها من البداية فلعڼ حظه العسير الذي أوقعه بما فعله..
ولجت رؤى لغرفة ماسة ويبدو بأنها مرتبكة فسألتها الأخيرة باستغراب
_مالك يا بنتي
وضعت الهاتف عن يدها ثم قالت بتوتر
_أنا في مصېبة ومش عارفة أعمل ايه
شهقت الاخيرة پخوف
_مصيبة أيه
قالت بحرج والدموع تتلألأ بعينيها
_انا رنيت على بدر معرفش ازاي يحيى اللي رد مع اني واثقة والله ان ده رقم بدر حتى شوفي!
_غريبة! يمكن الخطوط فيها مشكلة ولا حاجة وحتى لو ده حصل ايه المشكلة يعني أكيد يحيى فاهم وعارف انك قاصدة جوزك مش حد تاني..
القت الهاتف على الفراش ثم احتضنت وجهها وهي تجيبها بقلق
_بس برضه هيقول عليا أيه!!
كادت بأن تعود لمحاولات مواساتها عن الحرج الذي تعرضت له ولكنها توقفت حينما
ولجت حور للداخل تحاول الحديث من بين نوبة الضحك الذي يتملكها فقالت بصعوبة
_نكتة بجدجيت أكلم أحمد طلبت بدر معرفش ازاي!
قالت تسنيم من خلفهما
_لا دي مش نكته بقى انا كمان طلبت آسر اللي رد آيان!!!
انتقلت النظرات المذهولة فيما بينهما وبدى الغموض يسيطر على الافواه حتى ولجت تالين فاڼفجرت ضاحكة عليهن ثم قالت باستهزاء
اجتمعت الفتيات من حولها على الأريكة ليحثوها على الحديث بالتفاصيل الدقيقة عما حدث..
انتهى اليوم بعد شقاء فجلس الشباب على الأريكة المقابلة للاسطبل الخارجي يدون أحمد الحسابات التي يلقيها آسر والشباب على مسمعه وما يحتاجون لجلبه بالصباح الباكر فنهض الجميع حينما اقترب منهما فهد فحياهم بمحبة
رددوا معا
_وعليكم السلام ورحمة الله.
جذب آيان احد المقاعد وهو يشير له
_اتفضل يا كبير..
استرخى فهد بجلسته عليه ثم قال بابتسامة زادته وقار وعينيه تتفحص دفتر الحسابات من أمامه
_الله ينور عليكم يا رجالة سند يعتمد عليه صوح.
ابتسموا جميعا فقال آسر ببسمة مشرقة
_ربنا يخليك لينا..
أغلق فهد الدفتر ثم استند بجسده على العصا ليخبرهما بمكر
_بس مش عجبني انكم تكونوا مركزين في الشغل ومقصرين في الاهم منه.
تساءل آسر بعدم فهم
_مقصرين في أيه!
ابتسم وهو يجيبه
_مع البنات.. عشان كده أنتوا افراج النهاردة اخرجوا اتعشوا بره في مكان يكون مريح وابقوا كملوا الطلبات بكره.
اتسعت ابتسامة أحمد وهو يقول
_والله يا عمي ما في حد فهمنا ولا مدلعنا غيرك..
أضاف عبد الرحمن
_ايوه كده عشان نشحن طاقة للي جاي..
استند فهد على عكازه ثم اشار لهما بخبث
_طيب هسيبكم تختاروا المكان اللي تحبوا تروحه.
اقترح عليهما ايان مطعم راقي قريب من طريق القاهرة يقدم أفخم أنواع الطعام الايطالي فنال استحسانهم فنهض بدر ثم أشار لهما قائلا
_لا أنا اروح اتشيك بقى مدام هنروح مكان عالي زي ده.
اتبعوه ليستعدوا جميعا للخروج قبل أن يشق الليل بهم.
سعدت الفتيات حينما علموا بأمر ذاك الموعد الرومانسي فاستعدن سويا بغرفة ماسة التي رددت بحزن
_هتخرجوا من غيري كده!
ردت عليهاروجينا
_لو مش عايزانا نروح والله نقعد ونتجمع هنا..
منحتها ابتسامة مشرقة
_لا يا حبيبتي انا بهزر معاكم اخرجوا وانبسطوا انتوا طالع عنيكم بالطبيخ طول اليوم للعمال وانا من قبل الولادة مش عارفة اساعدكم بأي حاجة..
قبلتهاروجينا ثم قالت
_حياتي انتي يا ماستي هبقى اجبلك معايا هدية لتيم الامور..
جذبتها ماسة تجاهها ثم همست لها بمكر_مش عايزة هدايا حني انتي بس على جوزك المسكين.
ضحكت الاخيرة ثم اجابتها بدلال
_هفكر..
وهبطت خلف الفتيات سريعا حتى لا تتأخر بلقاء محبوبها.
بالأسفل..
ردد أحمد باصرار
_يا عم ما تيجي معانا هو يعني الخروج مينفعش غير مع المدام!
تدخل بدر قائلا
_فكك منه يا يحيى ده عايز ېخرب عليك..
ابتسم يحيى ثم قال
_لا متقلقش انا عارفه اكتر منك.
ثم استدار لاحمد
_اه مش بيحلى غير بيها ثم اني هسهر برضه بس مع ابني ومراتي.
ضحكوا سويا ثم اتجهت نظراتهم تجاه آسر وآيان حيث يهبط كلا منهما الدرج فانطلق الصفير مشترك من الشباب اعجابا بما يرتديه كلا منهما من بذلة كلاسيكية أنيقة وكأن كلا منهما يتفق في ذوق الحلى المشتركة فيما بينهما فقال عبد الرحمن باطراء
_الشياكة ليها ناسها بس حاسس أن آسر بقى مأڤورها أوي تقولش هو العريس ولا أيه يا شباب!
ضحك يحيى ثم قال
_لا عندك آسر من يوم يومه شياكة.
ابتسم آسر ثم قال بغرور مصطنع
_معتش غيرك اللي هيعلمني البس أيه يا عم أنت اليومين دول خفف دمك ولا حابب تودع للأخرة!
ضحكوا سويا وسرعان ما اختفى الضحك حينما انضمت
